गुलरिया : थारु समुदायमा समस्याका रूपमा देखिएको ‘सिकलसेल’ रोगका बारेमा विद्यालयमा अध्ययन हुने भएको छ । बर्दियाको बारबर्दिया नगरपालिकाले रोगका बारेमा कक्षा ९ को सामाजिक शिक्षा बिषयको स्थानिय पाठ्क्रममा समावेश गरेपछि सिकलसेलका बारेमा विद्यालयमै पढाइ हुने भएको हो ।
नगरपालिकाले नगरबाट सिकलसेल रोग उन्मुलन गर्ने लक्ष्यसहित शिक्षा समितिबाट निर्णयमार्फत आईतबारदेखी पाठ्यक्रम लागु गरेको हो । नगरभित्रका सामुदायिक तथा संस्थागत गरी १७ वटा माविमा बर्ष भरमा १८ घण्टी पढाई हुने सिकलसेलको पाठ्यभार १४ कायम गरिएको बारबर्दिया नगरपालिकाका मेयर दुर्गाबहादुर थारुले जानकारी दिए ।
स्थानिय समस्याका रुपमा सिकलसेल र थालेसेमिया रोग देखा परेपछि पाठ्यक्रममा समावेश गर्नुपरेको हो ।
विद्यालयमा रोगका बारे अध्यापन गराइएपछि चेनता र सावधानीका कारण नगरमा सिकलसेल रोगी घट्ने विश्वास गरिएको मयेर थारुले बताए ।
भेरी अंचल अस्पताल नेपालगञ्जका प्रमुख कन्सल्टेन्ट फिजिसियन डा. राजन पाण्डेका अनुसार सिकलसेल रोगले विश्वका करोडौ मानिसलाई आक्रान्त पारेको छ । सवैभन्दा वढी अफ्रिका, भारत त्यसपछि नेपालमा सिकलसेलका धेरै विरामी पाइएको छ । बारबर्दिया नगरपालिकाले स्थानिय पाठ्यक्रममा समावेश गरेको सिकलसेल र थालेसेमियासम्बन्धी पुस्तिकाका लेखक समेत रहेका पाण्डेले भने, ‘मानव शरिरमा रहेका रक्तकोष गोलाकार हुन्छन् तर सिक्कलसेलका रोगीमा हँसिया आकारको हुने गर्छ ।’
शरिरको मांसपेशीमा बन्ने रक्तकोष १ सय २० दिनमा स्वतः मर्छ सिकलसेल भएका ब्यक्तीको शरिरमा १५÷२० दिनमै मर्ने भएकाले विरामीलाई रगतको कमी, जण्डीस, शरिर तथा हाड दुख्ने समस्या हुने गर्छ । ‘धेरैले रोगका बारेमा जानकारी नपाउँदा उपचारमै धेरै खर्च गर्न बाध्य भएका छन्’, उनले भने । पुस्तकले घरघरमा चेतना पुग्ने विस्वास उनको छ ।
शुरु शुरुमा रोग पत्ता लगाउन भारत जानुपर्ने भए पनि पछिल्लो समय नेपालका धेरै अस्पतालमा रक्त परिक्षणका साथै उपचार समेत हुने गरेको उनले बताए । सिकलसेल रोग थारु समुदायमा मात्र देखिए पनि थालेसेमिया सबै जातीमा हुने उनको भनाइ छ । सिकलसेलका विरामीलाई उपचारका लागि १ लाख रुपैयाँ दिने गरेको छ ।
प्रतिक्रिया दिनुहोस !
