भोजपुर : अवैधरुपमा चन्दा उठाउने एक महिला पक्राउ परेकी छन्। गैरकानुनी रुपमा अवैध रसिद काटी चन्दा संकलन गर्ने गुल्मी तम्घासकी ४० वर्षीया भगवती कुमाललाई प्रहरीले नियन्त्रणमा लिएको जिल्ला प्रहरी कार्यालय भोजपुरले जनाएको छ।
कुमाललाई गत भाद्र २१ गते अपाङ्ग सरोकार केन्द्र बालाजु काठमाडौंको नाममा छाप नभएको रसिदबाट चन्दा उठाउँदै गरेको गोप्य सूचनाको आधारमा प्रहरीले भोजपुर सदरमुकामको चारभञ्ज्याङबाट पक्राउ गरेको जनाएको छ।
कुमाललाई २२ जनाबाट संकलन गरिएको २१ हजार नगद, नगदी रसिद, अर्धकट्टी अपांगहरुको खिचिएको तस्बिर, घडी, ब्रासलेट, बिलसहित पक्राउ गरिएको प्रहरीले जनाएको छ।अनुसन्धान भइरहेको जिल्ला प्रहरी कार्यालय भोजपुरले जनाएको छ।
प्रतिक्रिया दिनुहोस !
