राजविराज : पैदल हिंडिरहेकी एक वृद्धालाई अटो रिक्साले ठक्क दिँदा मृत्यु भएको छ। हनुमाननगर आउँदै गरेको स.१ह २३०३ नम्बरको अटो रिक्साले हनुमाननगर कंकालिनी १४ स्थित बलुवा भन्ने स्थानको भित्री सडकमा ठक्कर दिँदा तिलाठी कोइलाडी गाउँपालिका- ४ की पैदलयात्री ६५ वर्षीया मनसरीयादेवी सदाको मृत्यु भएको सप्तरी प्रहरीले जनाएको छ।
हात र खुट्टामा चोट लागि गम्भीर घाइते भएकी वृद्धालाई उपचारका लागि लैजाने क्रममा सुनसरीको इनरुवामा मृत्यु भएको इन्स्पेक्टर गुरुप्रसाद तिमिल्सिनाले बताए।
अटो रिक्सा चालक हनुमाननगर कंकालिनी १४ का हरीओम साहलाई प्रहरीले पक्राउ गरेको छ। शवको राजविराजस्थित अञ्चल अस्पतालमा पोष्टमार्टम गरिएको छ।
प्रतिक्रिया दिनुहोस !
