बैतडी : सडक दुर्घटनामा परी मलेसियामा शुक्रबार एक नेपालीको मृत्यु भएको छ। मृत्यु हुनेमा बझाङ्गको केदारस्युँ गाउँपालिका-५ बाँझका ३० वर्षीय मानबहादुर बोहोरा रहेका छन्।
कोठाबाट कामका लागि कम्पनीतिर गइरहेका बेला जोहोरबारुमा सडक पार गर्ने क्रममा ट्याक्सीले ठक्कर दिएर गम्भीर भएका बोहोराको उपचारका क्रममा शुक्रबार बिहान ७ बजे एक स्थानीय अस्पतालमा मृत्यु भएको मलेसियाबाट रमेश साउदले जानकारी दिए।
बोहोरा विगत सात वर्षदेखि मलेसियाको सिनामो (सोफा)कम्पनीमा कार्यरत थिए।मृतक बोहोराको शव नेपाल ल्याउने तयारी गरिएको छ।रासस
प्रतिक्रिया दिनुहोस !
