जनप्रतिनिधिको दोहोरो चरित्र : बाहिर नारा जुुलुुस, भित्र तलब माग
भदौ ३१, २०७५ आइतबार ६:४६:०
परासी : नगरपालिकाले गरेको कर वृद्धि र नगर सदस्यलाई दिइने तलब भत्ताको विरोध गर्दै राष्ट्रिय प्रजातन्त्र पार्टी (प्रजातान्त्रिक) ले शुुक्रबार पश्चिम नवलपरासीको रामग्राम नगरपालिका अगाडि प्रदर्शन गर्यो । प्रदर्शनमा सो पार्टीबाट निर्वाचित वडाध्यक्ष र सदस्यहरूले समेत त्यसको चर्को विरोध गर्दै नाराबाजी गरे ।
जग्गा र विभिन्न शीर्षकमा लगाएको कर, नगरपालिकालाई मार पर्ने गरी सदस्यहरूलाई समेत तलब भत्ता दिने व्यवस्था खारेजी हुुनुुपर्ने लगायत विभिन्न नौं बुुँदे माग राखेर उनीहरूले विरोध प्रदर्शन गरेका हुुन् । पार्टीका केन्द्रीय महामन्त्री धुु्रवबहादुुर प्रधानले अगुुवाई गरेको विरोध प्रदर्शनसँगै ज्ञापन पत्र बुुझाउन पार्टीका नगर अध्यक्ष रामभवन यादवसँगै जनप्रतिनिधिहरू पनि नगरप्रमुुख नरेन्द्रकुुमार गुुप्ताको कार्यकक्षमै पुुगे । सबैले माग पूरा गर्न उनीसँग माग गरे । ज्ञापन पत्र बुुझाएपछि सबै बाहिर निस्के पनि पार्टीबाट सहभागी वडासदस्यहरू सीतारानी थरुनी र अञ्जुु दर्जी विक भने नगरप्रमुुख गुुप्तासामू आफूहरूको तलब कहिले पाइन्छ भनेर प्रश्न गरे ।
गुुप्ताले भने, ‘तपाईहरू तलब भत्ता खारेज हुनुपर्छ भन्दै नाराबाजीसहित ज्ञापन पत्र बुुझाउन आउनु हुुन्छ अनि कहिले पाइन्छ भनेर पनि सोध्नुहुन्छ, यो दोहोरो चरित्र भएन र ? ’ प्रमुखले प्रश्न सोधेपछि सदस्यद्धय अक्क न वक्क भए । उनले दोहोर्याउँदै भने, ‘कि तपाईहरू पार्टीबाट उक्त माग खारेज गर्नुपर्यो भनेर भन्नुस् होइन भने विरोध पनि गर्ने अनि छिटो रकम पठाइदिनुुस् भनेर दवाब दिने ? यो त मिलेन ।’ उक्त पार्टीबाट नगरपालिकामा तीनजना वडाध्यक्षसहित नौंजना सदस्यमा निर्वाचित भएका छन् । उनीहरूसँगै नगरपालिकाकै विरुद्धमा भएको विरोध कार्यक्रममा सहभागी थिए ।
कर वृद्धि भएको गुुनासो र विरोध हुुन थालेपछि नगरपालिकाले कार्यपालिकाको बैठकबाट कर परिमार्जन गर्ने निर्णय गरिसकेको छ । कर परिमार्जन गर्नका लागि कार्यपालिकाको बैठकबाट निर्णय भइसकेको र कुन कुन शीर्षकमा परिमार्जन गर्ने भन्नेबारे राजनीतिक दलसँग छलफलको तयारी गरिएको गुप्ताले बताए । नगरपालिकाले प्रायः सबै शीर्षकमा २० देखि ६० प्रतिशत कर बढाएको छ । कर परिमार्जन गर्न सकिने भए पनि सदस्यहरूको तलब भत्तामा प्रदेशसभाले तोकेकाले पुनर्विचार गर्न नसकिने उनले बताए ।
प्रदेशसभाले तलब तोक्नुअघि नगरपालिकाले निर्णय गरेअनुसार मेयर÷उपमेयर, वडाध्यक्ष र कार्यपालिका सदस्यहरूलाई २०७४÷०७५ को सम्पूर्ण तलब भने उपलब्ध गराइसकिएको छ । सदस्यहरूको भने प्रदेशसभाले पछि निर्णय गरेकाले उनीहरूको खाता खोल्न लगाइएको नगरप्रमुुख गुप्ताले बताए । केही दिनमै सबै सदस्यहरूको तलब खातामा पठाइने उनले बताए । नगरपालिकामा ९३ जना जनप्रतिनिधि छन् । उनीहरूका लागि वार्षिक डेढ करोड बढी तलबमा मात्र खर्च हुुने गरेको छ । तलब भत्ता नगरपालिकाको आन्तरिक आयबाट भुुक्तानी गर्ने प्रावधान छ ।
तलब भत्ता, इन्धन लगायत अन्य सुविधा र खर्च गरेर जनप्रतिनिधिका लागि वार्षिक दुई करोड भन्दाबढी खर्च हुन्छ । जुन आन्तरिक आयभन्दा पनि बढी हुने देखिन्छ । गतवर्ष नगरपालिकाले आन्तरिक आयबाट दुई करोड ७० लाखमात्र संकलन गरेको थियो । यसवर्ष आन्तरिक आयबाट पाँच करोड २४ लाख संकलन हुुने अपेक्षा छ । कर वृद्धिबारे गुुनासा र विरोध आउन थालेपछि आन्तरिक आय घट्ने पनि संभावना छ ।
तस्विर – कर वृद्धि र नगर सदस्यहरूलाई दिइने तलव भत्ताको विरोध गर्दै राष्ट्रिय प्रजातन्त्र पार्टी (प्रजातान्त्रिक) का कार्यकर्ता ।
प्रतिक्रिया दिनुहोस !
