दाङ : प्रहरीले युएसए अटोमेटिक पेस्तोलसहित एकजनालाई पक्राउ गरेको छ। जिल्ला प्रहरी कार्यालय दाङको विशेष टोलीले हतियारसहित पक्राउ गरेकालाई आइतबार सार्वजनिक गरेको छ। घोराही उपमहानगरपालिका-१३ बस्ने २७ वर्षीय विरबहादुर चौधरीलाई पेस्तोलसहित पक्राउ गरिएको दाङ प्रहरी प्रमुख कृष्णहरी शर्माले जानकरी दिए।
चौधरीलाई पत्रकार सम्मेलन गरी सार्वजनिक गर्दै शर्माले हतियार बोकेर हिँडिरहेको अवस्थामा घोराहीको बुद्धिग्यारेज नजिकै पक्राउ गरिएको जानकारी दिए। चौधरीसँगै रहेको ७ दशमलव ६५ क्यालिभर पेस्तोल र त्यसमा लाग्ने एक थान म्याग्जीन र चार साउण्ड गोली बरामत गरिएको जिल्ला प्रहरी कार्यालय दाङका प्रमुख शर्माले जानकारी दिए।
साथै उनी सवार रा ४ प २४६६ नम्बरको पल्सर मोटरसाइकल समेत नियन्त्रणमा लिएको प्रमुख शर्माले बताए।
प्रतिक्रिया दिनुहोस !
