तुलसीपुर : दाङमा विद्यार्थी बोकेको स्कुल बस दुर्घटना भएको छ। गोरखा माध्यमिक विद्यालय तुलसीपुरको रा १ क १९९ नम्बरको बस दुर्घटना हुँदा कम्तिमा १५ विद्यार्थी घाइते भएका छन्।
५० विद्यार्थी बोकेर तुलसीपुरबाट विजौरी विद्यार्धीलाई घर छोडन जान लागेको बस तुलसीपुर उपमहानगरपालिका- ६ मोतिपुरमा दुर्घटना हुँदा कम्तिमा १५ विद्यार्थी घाइते भएको इलाका प्रहरी कार्यालय तुलसीपुरका प्रमुख प्रकाश साप्कोटाले जानकारी दिए।
उनका अनुसार सबै विद्यार्थीको उद्धार गरी घाइतेलाई उपचारका लागि राप्ती अञ्चल अस्पताल तुलसीपुरमा लगिएको छ। विद्यालयबाट छुटेको २० मिनेट पछि बस दुर्घटना भएको थियो।
प्रतिक्रिया दिनुहोस !
