नेपालगन्ज : बाँकेको जानकी गाउँपालिका–६ गनापुरमा एक जनाले कोदालो प्रहार गरी आफ्नै पत्नीको हत्या गरेका छन् ।
मंगलबार मध्यराती मादक पदार्थ सेवन गरी स्थानीय २४ वर्षीया जानकी गिरीलाई उनका पतिले कोदालोको फलामको भागले टाउकोमा प्रहार गरी गम्भीर बनाएका थिए ।
घाइतेको नेपालगन्ज मेडिकल कलेज शिक्षण अस्पतालमा उपचारको क्रममा बुधबार बिहान साढे चार बजेतिर निधन भएको जिल्ला प्रहरी कार्यालय बाँकेका मुद्दा शाखाका इन्सपेक्टर रणबहादुर विष्टले जानकारी दिए ।
पत्नीलाई आक्रमण गरी फरार रहेका पतिको प्रहरीले खोजी गरिरहेको बताएको छ । मृतकको शवलाई पोस्टमार्टम गरी परिवारलाई जिम्मा लगाउने प्रहरीले जनाएको छ।
प्रतिक्रिया दिनुहोस !
