भोजपुर : टेम्के मैयुङ गाउँपालिकामा बिहीबार ट्रयाक्टरबाट ओर्लने क्रममा एक यात्रुको घटनास्थलमै मृत्यु भएको छ ।
खोटेहाङ गाँउपालिका बाप्लुखाकी ३२ वर्षीया निङल्हामु शेर्पा ट्रयाक्टरको ट्रलीबाट ओर्लन लाग्दा अनियन्त्रित भई घटनास्थलमै ज्यान गएको हो । खसेपछि ढुंगोमा उनको टाउको ठोक्किएको बताइएको छ ।
किराना पसलको सामान ढुवानी गरिरहेको को २ त ४६१८ नम्बरको ट्रयाक्टरमा चढेर शेर्पा घर फर्कँदै गर्दा दुर्घटना भएको हो । ट्रयाक्टर टेम्के मैयुङ गाउँपालिका–९, लेखर्क पान्धारेबाट खोटाङको खोटेहाङ गाउँपालिका–२, वाप्लुखातर्फ जाँदै थियो ।
ट्रयाक्टर र ट्रयाक्टर चालकलाई इलाका प्रहरी चौकी पान्धारेले नियन्त्रणमा लिई घटनाको विषयमा अनुसन्धान गरिरहेको बताएको छ ।
प्रतिक्रिया दिनुहोस !
