बिर्तामोड : माछा–मासु खने, तास खेल्ने र पिङ खेल्ने मात्रै दसैं हैन भन्ने उदाहरण कांग्रेसका प्रवक्ता तथा युवा नेता विश्वप्रकास शर्माले दिँदै छन् ।
अघिल्लो वर्ष झैँ यसपटक पनि शर्माले स्वास्थ्य शिविर संचालन गरेर दसैं मनाउने तयारी गरेका हुन् । शर्माले गृह जिल्ला झापाको आफ्नै निर्वाचन क्षेत्रमा सृजनात्मक रुपमा दसैं मनाउने तयारी गरेका हुन् ।
यसका लागि उनी शुक्रबार मात्रै काठमाडौंबाट चिकित्सक र औषधी सहित झापा आइपुगे । र शनिबारै आफ्नो निर्वाचन क्षेत्रमा स्वास्थ्य शिविरको उद्घाटन गर्दै आफ्नो दसैं मनाउने क्रम यही कामबाट सुरु भएको बताए ।
शनिबार उनी बुद्धशान्ति गाउँपालिका पुगेर स्वास्थ्य शिविरको सुरुवात गरेका थिए । दसैंमा खानपिनका कारणले पनि विरामी पर्ने हुँदा त्यसलाई समेत लक्षित गरी सवास्थ्य शिविर संचालन गरेको बताइएको छ । यसबाहेक शर्माको यो निर्णय नौलो र सृजनात्मक भनी स्थानीयले प्रसंसा गरेका छन् ।
शर्माले भने शिविरका लागि १२ लाख मुल्य बराबरको लगानीमा औषधि खरिद गरी अस्पतालका चिकित्सकलाई नै गाउँ लिएर आएका हुन् । शर्माको यस अभियानमा अन्य स्वास्थ्य व्यवसायीहरुको पनि सहयोग छ ।
शनिबार स्थानीय बिरामीहरु ८६ वर्षीया टंकमाया दाहाल, ९० वर्षीय उजीरमान दाहाल र उपचारमा संलग्न चिकित्सकलाई शर्माले पूmलको माला लगाएर शिविर उद्घाटन गरेका थिए ।
प्रतिक्रिया दिनुहोस !
