इटहरी : सुनसरीको इनरुवामा भएको प्रथम मेयर कप रात्रिकालीन टी–२० क्रिकेट प्रतियोगिताको उपाधि नेपाल पुलिस क्लबले जितेको छ । फाइलनमा विराटनगरलाई ६ विकेटले पराजित गर्दै पुलिसले जित हात पारेको हो। जितसँगै पुलिसले १ लाख ५१ हजार रुपैया हात पारेको छ भने उपिवजेता विराटनगरले ७५ हजार रुपैया पाएको छ ।
टस जितेर पहिले ब्याटिङ गरेको विराटनगरले सुरुदेखि नै लय गुमाएको थियो पुलिसको उत्कृष्ट बलिङका सामू निरीह देखिएको विराटनगर १७.६ ओभरमा ८४ रन जोड्दा अलआउट भयो ।
८५ रनको झिनो लक्ष्य पछ्याएको पुलिसले १६.१ ओभर खेल्दै ४ विकेटको क्षतिमै लक्ष्य पूरा ग¥यो ।पुलिसको जितका लागि अमित श्रेष्ठले अविजित ४८ रनको महत्वपूर्ण पारी खेले।
नेपालमै पहिलोपटक राष्ट्रिय क्रिकेट प्रतियोगिता रातको समयमा गरिएको हो । फुलबारी क्रिकेट क्लबको आयोजना र इनरुवा नगरपालिकाको मुख्य प्रायोजनमा भएको प्रतियोगितालाई आगामी दिनमा पनि निरन्तरता दिइने मेयर राजन मेहताले जानकारी दिए ।
कोशी गाउँपालिका अध्यक्ष अयुब अन्सारी र सुनसरीका प्रहरी प्रमुख राजन अधिकारीलगायतले विजेतालाई शिल्ड तथा प्रमाणपत्र वितरण गरेका थिए ।
प्रतिक्रिया दिनुहोस !
