भैरहवा : भारतबाट ठूलो परिमाणमा नेपाल ल्याइएको लागुऔषधसहित श्रीमान-श्रीमती पक्राउ परेका छन्।
पक्राउ पर्नेहरुमा रुपन्देहीको सम्मरीमाई गाउँपालिका २ का २५ वर्षीय ओमप्रकाश हरिजन र २४ वर्षीया गुड्डी हरिजन रहेको प्रहरीले जानकारी दिएको छ। यो दम्पत्तीलाई सशस्त्र प्रहरी बल नेपाल नम्बर २७ गणको विशेष टोलीले पक्राउ गरेको हो।
उनीहरुको साथमा रहेको डाइजेपाम २ सय सीसी, फेनरागन २ सय सीसी र नुफिन २ सय सीसी बरामद भएको सशस्त्र प्रहरी बल नेपाल नम्बर २७ गण रुपन्देहीका प्रमुख सशस्त्र प्रहरी उपरीक्षक सुदर्शनप्रसाद शर्मा सिलवालले जानकारी दिए।
साइकलमा चढेर आइरहेको दम्पत्तिलाई रुपन्देहीको सिद्धार्थनगर नगरपलिका २ मेउडिहवामा चेकजाँच गर्दा श्रीमतीले बोकेको झोलाबाट उक्त परिमाण बराबरको लागुऔषध बरामद भएको उनले बताए।
पक्राउ परेका दम्पत्तिलाई आवश्यक अनुसन्धान र कारवाहीको लागि नेपाल प्रहरीलाई बुझाइएको सशस्त्र प्रहरी बल नेपाल नम्बर २७ गण रुपन्देहीले जनाएको छ।
प्रतिक्रिया दिनुहोस !
