बिर्तामोड : झापाको मेचीनगर- ७ इँटाभट्टामा मंगलबार यात्रुबाहक बसमा आगलागी भएको छ। काँकरभिट्टाबाट बुटवलका लागि बेलुका छुट्ने तयारीमा रहेको मे १ ख ५२२ नं को मकालु यातायातको बसमा आगलागी भएको हो।
ग्यारेजमा राखिएको सो बसमा बिहान १०:३० बजे एक्कासी आगो दन्किएको स्थानीयवासीले देखेपछि प्रहरीलाई खबर गरेका थिए। मेचीनगर नगरपालिकाको दमकल, स्थानीयवासी र प्रहरीले आगो नियन्त्रणमा लिएका छन्।
आगलागीबाट गाडी पूर्ण रूपमा जलेको इलाका प्रहरी कार्यालय काँकडभिट्टाका प्रहरी नायब उपरीक्षक (डिएसपी) महेश थापाले बताए। उनले आगलागीको कारणबारे अनुसन्धान भइरहेको बताएका छन्।
प्रतिक्रिया दिनुहोस !
