दाङ : ब्राउन सुगर (गैरो हिरोइन) लगायत आगुऔषध ओसारपसारमा संलग्न तीन जना पक्राउ परेका छन् ।
इलाका प्रहरी कार्यालय गढवा दाङले गढवा गाँउपालिका–१ जुरेनीबाट ब्राउन सुगर सहित विभिन्न लागुऔषध सहित तीन जनालाई पक्राउ गरेको हो । पक्राउ पर्नेमा बाँके बैजनाथ गाँउपालिका–१ का नरबहादुर पाण्डे, सोही गाँउपालिका गाभरका भीमसिंह रोकाया र वडा नं २ मकैबारीका छवि गुरुङ छन् ।
उनीहरुबाट प्रहरीले दुईग्राम खैरो हेरोइन, गाँजा जस्तो देखिने लागुऔषध १६ ग्राम, नगद ९ हजार ५ सय रुपैयाँ, ३ वटा मोवाइल फोनसेट, चुरोटका फिल्टर १ प्याकेट, चुरोट पेपर ६ प्याकेट, ब्लेड १ थान, लाइट २ थान र सिक्का १ थान बरामद गरेको छ । साथै लागुऔषध आसारपसारमा प्रयोग हुने से १ च ११९० नम्बरको बोलेरो जीप पनि प्रहरीले नियन्त्रणमा लिएको छ ।
पक्राउ गरी तीनै जनालाई थप अनुसन्धानका लागि हिरासतमा राखिएकोे इलाका प्रहरी कार्यालय गढवाका प्रहरी निरीक्षक पञ्चलाल गोलेले जानकारी दिए । प्रहरीले पुर्वपश्चिम राजमार्ग अन्तर्गत जुरेनीमा पोखराबाट कोहलपुर तर्फ जाँदैगर्दा संकास्पद अवस्थामा देखिएपछि पक्राउ गरेको बताएको छ । पक्राउ परेकाहरुलाई लागुऔषध नियन्त्रण ऐन २०३३ अन्तर्गत मुद्दा चलाइने प्रहरी निरीक्षक गोलेले बताए ।
प्रतिक्रिया दिनुहोस !
