बुटवल : ठूलो मात्रामा लागू औषधसहित तीन जनालाई प्रहरीले बुटवलबाट पक्राउ गरेको छ । पक्राउ परेका स्थानीय तहका जनप्रतिनिधिसहित तीन जनाको साथबाट प्रहरीले ३७ किलो चरेस बरामद गरेको छ ।
बुटवल–१३ बेलबासबाट शानिबार राति चरेससहित तीन जनालाई पक्राउ गरिएको इलाका प्रहरी कार्यालय बुटवलले जनाएको छ । बाग्लुङबाट भारततर्फ लैजाने क्रममा चरेस बरामद भएको इलाका प्रहरी कार्यालय बुटवलका प्रमुख डिल्ली मल्लले जानकारी दिए ।
चरेससहित पक्राउ पर्नेमा अर्घाखाँचीक पाणिनी गाउँपालिका–५ का वडासदस्य ४० वर्षीय टीकाबहादुर रास्कोटी, बागलुङको निसीखोला गाउँपालिका–९ का ३४ वर्षीय जनक घर्ती र कपिलवस्तु बाणगंगा नगरपालिका–२का ५० वर्षीय नहारी थारूरहेका छन् । पक्राउ परेकाहरु हाल इलाका प्रहरी कार्यालयमा बुटवलमा छन् । थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
