विप्लवलाई अनन्तको सुझाव : पुरानै तरिकाले युद्ध सम्भव छैन, जनता फकाउनू
कात्तिक २६, २०७५ सोमबार १३:२८:०
(लिबाङ) रोल्पा : नेत्रविक्रम चन्द ‘विप्लव’ लाई शान्तिपूर्ण राजनीति गर्न सत्तापक्षीय नेकपाका नेता वर्षमान पुन ‘अनन्त’ले आग्रह गरेका छन् । नेपाल सरकारका ऊर्जा, जलस्रोत तथा सिँचाइमन्त्री समेत रहेका अनन्तले विगतको जस्तै युद्ध सम्भव नभएकोसमेत बताए ।
‘शान्तिपूर्ण राजनीति गर्नुस् । जनमत वनाएर सरकारलाई कन्भिन्स गर्नुस्, संविधान संशोधन गर्न सकिन्छ’, नेता अनन्तले भने, ‘पुरानै तरिकाको युद्धबाट सम्भव छैन ।’
तिहारका बेला गृह जिल्ला आएका नेता अनन्तले यस्तो आग्रह गरेका हुन् । सदरमुकाम लिबाङमा सोमबार रिपोटर्स क्लबले गरेको साक्षत्कार कार्यक्रममा ऊर्जामन्त्री अनन्तले विप्लव नेतृत्वको नेकपालाई वार्तामा आउनसमेत अनुरोध गरे ।
‘हतियार उठाएका कतिपय शक्तिसँग त सरकारले वार्ता गर्न तयार छ । विप्लवजीहरुले त अभैm हतियार उठाइसक्नु भएको छैन । वार्तामा बसेर असहमति टुंग्याउन सकिन्छ’, अनन्तले भने, ‘वार्तामा बस्ने हो भने विप्लव लगायतका नेतामाथिका मुद्दा खारेज गर्न सकिन्छ ।’
विप्लव नेतृत्वको नेकपाबाट ठाउँठाउँमा हतियार प्रदर्शन, तालिम, केही अपराधिक काम र चन्दा असुली भइरहेकोमा मन्त्री अनन्तले आपत्ति जनाए ।
‘स्थानीय तहका कतिपय जनप्रतिनिधि र कार्यालय प्रमुखहरुलाई धम्काउने काम भइरहेको छ । नेतृत्वले स्पष्ट पार्नुपर्छ’, मन्त्री अनन्तले भने, ‘यस्ता काम रोकिनुपर्छ । अन्यथा राज्यले एसर्टिभ ढंगले कदम चाल्न बाध्य हुन्छ ।’
संविधानप्रतिको र विगतको परिवर्तन संस्थागत गर्ने सन्दर्भका असन्तुष्टि वार्ताबाट समाधान गर्न सकिने नेता अनन्तले जोड दिदै भने, ‘परिवर्तनविरोधी घरेलु र अन्तर्राष्ट्रिय शक्तिबाट विप्लव नेतृत्वको नेकपा प्रयोग हुनु हुँदैन ।’
मन्त्रीमण्डल हेरफेर हल्ला नेपाल सरकारको मन्त्रिमण्डल हेरफेर हल्ला मात्र भएको मन्त्री अनन्तले दावी गरे । ‘यो सरकार पाँच वर्ष टिक्छ । एक आर्थिक वर्षसम्म मन्त्रीको काम हेरिन्छ । त्यसैले पनि अहिले नै मन्त्री फेरबदल हल्ला मात्र हुन्’, मन्त्री अनन्तले भने, ‘सरकार अस्थिर छ भन्ने हल्ला पैmलाउने काम भएको मात्र हो ।’
सकारले पहिलो छ महिनामा ऐन र कानून निर्माण गरेको र अन्तराष्ट्रिय कुटनैटिक सम्बन्ध सुधार गरेको बताए । ‘संसद चलेको हरेका पाँच दिनमा एउटा ऐन जारी भएको छ । यो नेपालको इतिहासमा नौलो हो’, क्लवका अध्यक्ष सन्तोष शर्माको अध्यक्षतामा सम्पन्न साक्षत्कार कार्यक्रममा मन्त्री अनन्तले भने, ‘प्रधानमन्त्री केपी शर्मा वलीको भारत र चिन भ्रमणले कुटनैटिक सम्बन्ध सुदृढ भएको छ ।’ यूएनको सभामा प्रधानमन्त्रीको सहभागिता अर्थपुर्ण रहेको पनि दाबी गरे ।
सरकारले संविधान कार्यन्वय, तीन तहकै सरकारको संस्थागत विकास र कानून निर्माणमा प्राथमिकता दिएको दावी गर्दै मन्त्री अनन्तले सरकारले दूरगामी महत्वका योजना अघि सारेको पनि वताए । आउँदो वर्षदेखि विकासका प्रभाव देखिनेमा जोड दिए ।
प्रतिक्रिया दिनुहोस !
