तौलिहवा : कपिलवस्तुको वाणगंगामा ट्रकको ठक्करबाट साइकलयात्रीको मृत्यु भएको छ। मृत्यु हुनेमा शीतगंगा नगरपालिका-१४ का १७ वर्षीया शोभा न्यौपाने रहेको प्रहरीले जनाएको छ।
पूर्वपश्चिम राजमार्गअन्तर्गत वाणगंगा नगरपालिका-२ कलौनीचोकमा आइतबार बिहान साढे ६ बजे ना ७ ख ५९२९ नम्बरको ट्रकले ठक्कर दिँदा गम्भीर घाइते भएकी न्यौपानेको लुम्बिनी अञ्चल अस्पताल बुटवलमा उपचारको क्रममा मृत्यु भएको हो।
ठक्कर दिने ट्रक र चालकलाई इलाका प्रहरी कार्यालय पिपराले नियन्त्रणमा लिएको छ। बिहान पढ्न जान हिँडेकी न्यौपानेलाई ट्रकले ठक्कर दिएको प्रहरी नायब उपरीक्षक रवी रावलले बताए।
प्रतिक्रिया दिनुहोस !
