बझाङ : सुदूरपश्चिम प्रदेशको पहाडी क्षेत्रमा हिमपात भएको छ । बझाङ, बैतडीका उच्च हिमाली क्षेत्रमा बुधबार रातीदेखि बर्षासँगै हिमपात सुरुभएको हो । बिहीबार विहान पनि जिल्लाको उच्चभुभागमा हिमपात भएको छ । अग्ला डाडाकाँडा हिउँले सेताम्मे भएका छन् । साईपाल, सुर्मा, छविसपाथीभेरा, खप्तडछान्ना गाउँपालिका र बुंगोल नगरपालिकाका माथील्लो भेगमा हिमपात भएको छ । हिमपातका कारण चिसो बढेकाले जनजीवन प्रभावित भएको छ।
हिमपातका कारण स्थानीय घर बाहिर निस्कन सकेका छैनन् । घर पालुवा जनावरलाई समेत समस्या भएको साईपाल गाउँपालिकाका बासिन्दा जसबिर बोहराले वताए । लेकाली भेगमा भेडापालन गर्दै आएका किसान झन् समस्यामा परेका छन् । झरी, हिमपातसँगै बादल पनि लागेकाले चिसोका कारण सोलार चार्ज नहुँदा टेलीफोन सेवा पनि अवरुद्ध भएको छ । जिल्लामा सञ्चालित पाँचवटा रेडियो एफएम स्टेशसन सोलारकै कारण बन्द भएका छन् ।
चिसो बढेकाले सुर्मा, साईपाल गाउँपालिका र बुंगोल नगरपालीकाका केहि विद्यालय बन्द गर्नु परेको बुंगोल नगरपालीकाको पार्वती प्राविकी शिक्षिका ज्ञानु भट्टले वताइन् । दुई÷तीन दिनदेखी घाम नलागेकाले नेपाल टेलीकमले बाँता र केदारमा राखेको टावरका सोलारका व्याट्री चार्ज नभएकालेनेटवर्कान समस्या भएको टेलीकम कार्यालयले जनाएको छ।
हिउँदमा पानी परेपछि आकासे पानीको भरमा सिचाई गर्नुपर्ने वाध्यतामा रहेका किसान भने खुसी भएका छन् । थलारा पिखेतका किसान शिबलाल विष्टले एक दुई दिन राम्रोसँग पानी प¥यो भने पाखोमा लगाएको गहुँ सप्रिने बताए । यता सरकारी कार्यालयमा पनि कर्मचारी आगो बालेर चिसो छली रहेका छन् । प्रमुख जिल्ला अधिकार प्रेमसिंह कुँवरले बझाङमा चिसो बढेकाले काम गर्न समस्या भएको जानकारी दिए । जयपृथ्वी राजमार्गको श्रीभावर क्षेत्रमा हिमपात भएपछि जिल्लावाट तराई झर्ने यातायातका साधान पनि समस्यामा परेको यातायात व्यवसायीको भनाइ छ।
प्रतिक्रिया दिनुहोस !
