नेपालगन्ज : पूर्व–पश्चिम राजमार्गमा पर्ने बाँकेको बैजनाथ गाउँपालिका–५ जीगाउँमा सोमबार मोटरसाइकल दुर्घटना हुँदा दुईजनाको मृत्यु भएको छ ।
इलाका प्रहरी कार्यालय कोहलपुरका प्रहरी निरीक्षक मानबहादुर बिसीका अनुसार दुर्घटनामा परी मोटरसाइकलमा सवार लेकबेसी नगरपालिका–१ का २७ वर्षीय बिक्रम गहतराज र गुर्भाकोट–१२ का ३२ वर्षीय मदन सुनारको मृत्यु भएको हो ।
कोहलपुरबाट सम्झना चोकतिर जाँदै गरेको बालज्योती बोर्डिङ स्कुलको बा १ क ४४९५ नम्बरको बस र विपरित दिशाबाट आउँदै गरेको लु ४३ प ९५९९ नम्बरको मोटरसाइकल बिहान साढे ८ बजे ठोक्किँदा दुर्घटना भएको हो । प्रहरीले स्कुल बसका चालक बेदराम थारुलाई नियन्त्रणमा लिएको छ ।
प्रतिक्रिया दिनुहोस !
