गुलरिया : नेपालगंज तर्फबाट बर्दियाको सदरमुकाम गुलरिया आउँदै गरेको भे १ क ९८८ नम्बरको टिपरले ठक्कर दिँदा एकजना साइकल यात्रुको मृत्यु भएको छ।
बढैयाताल गाउँपालिकास्थित कण्ठपुर चोकमा बाटो काट्ने क्रममा टिपरले एक्कासी ठक्कर दिँदा सोही पालिका वडा नम्बर ८ निवासी ६० वर्षीय मोतीलाल चौधरीको घटनास्थलमै मृत्यु भएको हो।
घटनास्थलबाट चालकसहित टिपर नियन्त्रणमा लिएको बढैयाताल गाउँपालिका कालिका प्रहरी चौकीका असई हरिबहादुर भुषालले बताए।घटनाबारे थप अनुसन्धान भैरहेको उनले जानकारी दिए।
प्रतिक्रिया दिनुहोस !
