बिर्तामोड : झापाका छुट्टाछुट्टै दुई स्थानमा फेरि आगलागी हुँदा लाखौं रकम बराबरको क्षति भएको छ ।
एउटा घर र धानको कुन्यूमा आगलागी हुँदा १४ लाख बराबरको क्षति भएको बताइएको छ । बाह्रदर्शी गाउँपालिका–५ सातडिग्रीका बलबहादुर दर्जीको एकतले घर र कचनकवल गाउँपालिका–४ खुट्टामुनीमा ८ बिघा क्षेत्रफलमा लगाइएको धानको कुन्यूमा आगलागी भएको हो ।
बाह्रदर्शीका दर्जीको एकतले घरमा आगलागी हुँदा ८ लाख बराबरको क्षति भएको छ भने कचनकवलका जाहित मियाँको २ बिघा सहित साकिर मियाँ, सहिदुल मियाँ र जाकिर मियाँको ६ बिघामा लगाइएको धानको कुन्यूमा अचानक आगलागी हुँदा ६ लाख बराबरको क्षति भएको पीडितको दावी छ ।
जिल्ला प्रहरी कार्यालय झापाका प्रहरी नायब उपरीक्षक महेन्द्रकुमार श्रेष्ठका अनुसार दर्जीको घरमा विद्युत् सर्ट भई मंगलबार आगलागी भएको थियो । दुबै घटनाबारे अनुसन्धान भइरहेको प्रहरीले बताएको छ । गत साता पनि झापामै आगलागीबाट दर्जन बढी घर जलेर करोडौंको क्षति भएको थियो ।
प्रतिक्रिया दिनुहोस !
