भोजपुर : गैरकानुनी रुपमा भरुवा बन्दुक लुकाएर राख्ने रामप्रसाद राई गाउँपालिका–८, बासीखोराका ३१ वर्षीय प्रविण राईलाई प्रहरीले बन्दुकसहित नियन्त्रणमा लिएको छ ।
राईले घरमा २ थान भरुवा बन्दुक गैरकानुनी रुपमा राखेको सूचना पाएपछि जिल्ला प्रहरी कार्यालय भोजपुरले उनलाई नियन्त्रणमा लिएको हो । सादा पोशाकमा खटिएको संयुक्त प्रहरीको टोलीले खानतलाशी गर्ने क्रममा राईको घरमा दुईवटा भरुवा बन्दुक फेला परेको थियो ।
प्रहरीले राईको साथबाट एक थान भरुवा बन्दुक र एक थान कटुवा पेस्तोल बरामद गरेको प्रहरीले बताएको छ । पक्राउपछि राईलाई थप अनुसन्धान गरिरहेको प्रहरीले जनाएको छ ।
प्रतिक्रिया दिनुहोस !
