गुलरिया : बर्दिया प्रहरीले हातहतियार कारोवारको आरोपमा एकजना भारतीयलाई पक्राउ गरेको छ। जिल्ला प्रहरी कार्यालय बर्दियाको टोलीले गोप्य सूचनाको आधारमा भारतको उत्तरप्रदेश जिल्लाका २० वर्षीय सलमान खानलाई पक्राउ गरेको हो।
भारतीय नम्बर प्लेटको ३१ एआर ६८२६ नम्बरको मोटरसाइकलमा नेपालतर्फ आउँदै गर्दा गुलरिया नगरपालिका- १० कालाबन्जरस्थित गडरिया चोकमा मोटरसाइकलसहित खानलाई पक्राउ गरेको जिल्ला प्रहरी कार्यालय बर्दियाका प्रहरी उपरीक्षक सुरेन्द्रप्रसाद मैनालीले बताए।
पक्राउ परेका खानबाट कटुवा पेस्तोल थान १, पेस्तोमा लाग्ने गोली थान १, नेपाली र भारतीय गरी २९ हजार ७९६ रुपैयाँ र लागूऔषध जस्तो देखिने खैरो धूलो पदार्थ ३ ग्राम फेला परेको मैनालीले जानकारी दिए।
जिल्लाप्रहरी कार्यालय बर्दियाको हिरासतमा राखिएका खानमाथि मुद्धा दर्ता गरी अनुसन्धान अघि बढाएको प्रहरीले जनाएको छ ।
प्रतिक्रिया दिनुहोस !
