राजविराज : सप्तरीको विष्णपुर गाउँपालिकामा भएको मोटरसाइकल दुर्घटनामा सशस्त्र प्रहरीमा कार्यरत एकजनाको मृत्यु भएको छ ।
दुर्घटनापछि घाइते सशस्त्र प्रहरीका परिचर राजविराज–१६ बोरिया निबासी ३० वर्षीय सरोज यादवको उपचारको क्रममा मृत्यु भएको हो । धरानस्थित बिपी कोइराला स्वास्थ्य विज्ञान प्रतिष्ठानमा मृत्यु भएको सशस्त्र प्रहरी उपरीक्षक खेम थापाले जानकारी दिए ।
बिरामी भएकी आमाको उपचार खर्चको खोजीमा विदा लिएर राजविराज आएका सशस्त्र प्रहरी बल बेस क्याम्प पातोमा कार्यरत यादव सवार रहेको को. ४ प १७७ नम्बरको मोटरसाइकल बिष्णुपुर गाउँपालिका–६ स्थित कुनौली सडकमा दुर्घटना भएको हो ।
गत राति साढे सात बजे मोटरसाइकल दुर्घटनामा परेपछि निर्माणाधिन कुनौली–राजविराज सडकखण्डको कल्भर्ट पुलमा ठोक्किएर उनको छातीमा गम्भीर चोट लागेको थियो ।
प्रतिक्रिया दिनुहोस !
