सिमरा : पथलैयादेखि पर्साको वीरगन्जस्थित सिर्सिया सुखा बन्दरगाहसम्मको ३०.६८ किलोमिटर लम्बाईको सडक तीस महिनामा सम्पन्न गर्ने सम्झौता भएको थियो। सो सम्झौताको समय यसै शनिबार सकिएको छ। समय सकिँदासम्म काम भने ५० प्रतिशत मात्रै भएको देखिन्छ।
बाराको पथलैयामा रहेको व्यापारिक मार्ग आयोजनाको कार्यालयले तीस महिनामा निर्माणको काम अझै ५० प्रतिशत बाँकी रहेको जानकारी दिएको छ। कार्यलयका ईन्जिनियर अशोक यादवले सडकक्षेत्रमा बनाइएका घरटहरा स्थानीयले समयमै नभत्काएको, वन क्षेत्रको रुख कटानीका लागि मन्त्रालयबाट समयमै आदेश नपाएको र केही स्थानमा ठेकेदार कम्पनीको लापरवाहीले निर्माणको काम सन्तोषजनक नजिता नदेखिएको बताएका छन्।
प्रतिक्रिया दिनुहोस !
