दाङ : क्षमताभन्दा बढी कैदीबन्दीका कारण दाङका कारगारा शौचालयहरु दुर्गन्धित भएका छन् । कारागारका सीमित शौचालय प्रयोग गर्न नमिल्ने गरी दुर्गन्धित भएपछि प्रयोगै गर्न नसकिने अवस्थामा पुगेका छन् ।
मानव अधिकार तथा शान्ति समाजले गरेको कारागार अनुगमनको क्रममा कारागारका शौचालयको यो अबस्था देखिएको छ ।
शौचालय दुगन्धित हुदा कैदी बन्दीको भान्सा र बस्ने कोठासम्म दुर्गन्ध पुग्ने गरेको हुदा बसाइमा समेत असर हुने गरेको कैदी बन्दीहरुले बताएका छन ।
त्यसै गरेर घोराही कारागारको शौचालयको अवस्था भयाभह रहेको छ । ‘५० जनाको क्षमतामा ५ गुणा बढी कैदीबन्दी राखिएको रहेछ,’ समाजका केन्द्रीय महासचिव सुशील बस्नेतले भने, ‘तिनीहरुले प्रयोग गर्ने शौचालयमा त झन दुर्गन्धको सीमा नै छैन ।’
घोराही कारागारमाभित्र बस्ने ठाउँ नभएपछि भवनबाहिर भित्तासँग टिन र बोरा सटाएर बनाएको ठाउँमा उनीहरुलाई राखिएको छ ।
तुलसीपुरमा दुई सय क्षमताको नयाँ कारागार भवनमा दुई सय ४२ जना कैदीबन्दी रहेको र पुरानो भवनमा सयजनाको क्षमता भएकोमा एक सय ३७ जना रहेको तुलसीपुर कारागारका जेलर जोखिम ओलीले बताए ।
पुरानो भवनमा एक सय ३७ पुरुष, २७ महिला र पाँच आश्रित रहेको उनले बताए । अधिकृत स्तरको स्वास्थ्यकर्मी केही महिनादेखि खटाइएकाले स्वास्थ्य समस्यामा कम भएको वलिले बताए । यसले निकै सजिलो भएको कैदी बन्दीहरुले बताएका थिए ।
तर महिला कैदी बन्दीहरुले भने केही महिलाका समस्या पुरुष चिकित्सकलाई भन्न नसकिने भएकाले महिला स्वास्थ्यकर्मीको माग गरे ।
घोराहीमा भने पाँच गुणा बढी कैदी राखिएकाले अव्यवस्थित अवस्था कारगारमा देखिएको छ । ५० जनाको क्षमताको कारागारमा दुई सय ७४ जना कैदी छन् । महिला र आश्रित भने छैनन् ।
कारगारमा पिउने पानी, पुस्तकालय, शौचालय, स्नान घरको समस्या देखिएको छ ।
कारगारमा कैदी र बन्दी जीवन बिताई रहेका ब्यक्तिहरुले पाउनु पर्ने सुविधा, उनीहरुको अबस्थाका बारेमा समेत अनुगमन भएको थियो ।
प्रतिक्रिया दिनुहोस !
