सन्धिखर्क : अर्घाखाँचीको पाणिनि गाउँपालिका पटौटीमा जीप दुर्घटना हुँदा चालकसहित ५ जना घाइते भएका छन्। पाणिनी गाउँपालिकाका कर्मचारीको टोली विकास निर्माणका कामको अनुगमन गर्न जाने क्रममा पाणिनि ४ पटौटीको सुवर्णखाल चिंदेरी भन्ने स्थानमा लु १ च ९०४६ नम्बरको जीप दुर्घटना भएको हो।
दुर्घटनामा पाणिनि गाउँपालिकाका लेखा अधिकृत नारायण पौडेल, सुब्बा राम कुमार भट्टराई, योजना शाखाका सुब्बा पशुपती खनाल, कम्युटर अपरेटर रविन्द्र न्यौपाने र गाडी चालक सागर घिमिरे घाइते भएको गाउँपालिकाका अध्यक्ष अच्युत गौतमले जानकारी दिए।
घाइतेको अवस्था खतरामुक्त रहेको र सबैलाई उपचारका लागि मिसन अस्पताल पाल्पा पठाइएको अध्यक्ष गौतमले जानकारी दिए।
प्रतिक्रिया दिनुहोस !
