गाईघाट : उदयपुरको बेलका नगरपालिका-१ अम्बासीका रबिन्द्रबहादुर कटुवालको घरमा आगलागी हुँदा करिब २२ लाख बराबरको क्षति भएको छ। आइतबार बिहान १ बजे कटुवालको पक्की घरमा विद्युत सर्टभई अचानक आगलागी हुँदा २१ लाख ९५ हजार बराबरको क्षति भएको प्रहरीको प्रारम्भिक अनुमान छ।
आगलागीबाट कटुवालको बा.४०.प.३९४१ नम्बरको २२० सिसीको पल्सर मोटरसाइकल, घरमा रहेको किराना पसलको सामान, फनिर्चर, अन्य भाडा वर्तन र खाद्यान्न समेत जलेर नष्ट भएको जिल्ला प्रहरी कार्यालयका प्रहरी प्रमुख एसपी चन्द्रदेव राईले बताए।
सबै सुतिसकेको अवस्थामा अचानक सल्किएको आगो स्थानीयले राति ३ बजे नियन्त्रणमा लिएको राईले बताए।
प्रतिक्रिया दिनुहोस !
५
