गाईघाट : उदयपुरको कटारी नगरपालिका-४ हस्पिटल चौकमा बुधबार बिहान ११ बजे ट्रकको ठक्करबाट एक बालकको ज्यान गएको छ। सिद्धिचरण राजमार्गअन्र्तगतको कटारी-घुर्मि सडकखण्डमा ना.४.ख.८८९८ नम्बरको मालवाहक ट्रकको ठक्करबाट कटारी नगरपालिका- ५ का दिलबहादुर राईका साढे ४ वर्षीय छोरा मौसम राईको ज्यान गएको हो।
व्यापारिक सामान लिएर कटारीबाट सोलुखुम्बु जानेक्रममा ट्रकले बालकलाई ठक्कर दिएको प्रत्यक्षदर्शी स्थानीय शत्रुधन कार्कीले जानकारी दिए।घटनालगत्तै ट्रक र चालकलाई प्रहरीले नियन्त्रणमा लिएको जिल्ला प्रहरी कार्यालयका प्रमुख एसपी चन्द्रदेव राईले जानकारी दिए।
बालकको शव अहिलेसम्म सडकमै राखिएको छ। घटना लगत्तै स्थानीयले राजमार्ग अवरुद्ध बनाएको कार्कीले बताए।
प्रतिक्रिया दिनुहोस !
