मृत्यु भएको १० दिनपछि मात्रै खोजी

मृत्यु भएको १० दिनपछि मात्रै खोजी

काठमाडौं : धादिङका गाइड २५ वर्षीय अजय ढकाल नेदरल्याण्डका पर्यटक ३० वर्षीय भीजे ब्लोएमलाई लिएर मनाङको पिसाङ क्षेत्रतर्फ पदयात्रामा गएका थिए । परिवार होलिडे कम्पनीबाट पदयात्रामा गएका यी दुईलाई फागुन १३ गते हिमपहिरोले पुर्‍यो । कम्पनी गैरजिम्मेवार हुँदा मृत्यु भएको दुई सातासम्म त्यसबारे जानकारी भएन । कम्पनीले फागुन २१ गते पोखराबाट काठमाडौं फर्कन गाडीको टिकट काटेको थियो । पर्यटक गाडी चढ्न नआएपछि काउण्टरले सम्पर्क गर्दा मात्र यी दुईका बारेमा १० दिनपछि मात्रै खोजी सुरु भयो ।

खोजीकै क्रममा गंगाजमुना गाउँपालिका–६ घर भएका गाइड २५ वर्षीय अजय ढकाल र नेदरल्याण्डका पर्यटक भीजे ब्लोएमको शव भेटियो । उनीहरूको शव मनाङको ढुकुर पोखरी र पिसाङ हिमालको बीचमा ३२०० मिटरको उचाइमा हिउँमा पुरिएको अवस्थामा फेला परेको हो । हेलिकप्टरमार्फत गाइड छिरिङ पाण्डे भोटे नेतृत्वमा ३ जना माउन्टेन गाइडले खोजी गरी शवलाई शनिबार काठमाडौं ल्याएका हुन् । उनीहरूको शव परिवारलाई जिम्मा लगाएको छ ।

फागुन १३ मा गाइड ढकालले मौसम खराबीले अगाडि जान नसकेर पिसाङतर्फनै फर्केको कम्पनीलाई जानकारी गराएको कम्पनीका केवल गिरीले बताए । गाइडसँगै भएकाले कम्पनीले सम्पर्क नगरेको गिरीको भनाइ छ ।

आफूले पठाएका पर्यटक तथा गाइडबारे कम्पनीले थप चासो नलिइ वेवास्ता गर्नु दुखद् पक्ष भएको ट्रेकिङ गाइड एसोसिएसन अफ नेपालका अध्यक्ष कर्ण गुरुङले बताए ।

गैरजिम्मेवार भएर पर्यटन व्यवसाय सञ्चालन गर्दा विश्वमै नेपाली पर्यटन व्यवसायप्रति नकारात्मक सन्देश जाने उनी बताउँछन् । व्यवसायीले आफ्नो कामदार र पाहुनाप्रति जिम्मेवार नहुनु र तत्काल उद्धार गर्न नसकिनु दुखद् भएको ट्रेकिङ एजेन्सीज एसोसिएसन अफ नेपालका महासचिव आङपेम्वा शेर्पाले बताए । व्यवसायमात्र सञ्चालन गर्ने भन्दा पनि दायित्व पूरा गरी नेपाल रहुन्जेल खुसीसाथ भ्रमण गराउनु व्यवसायीको कर्तव्य हो शेर्पाले भने ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.