हेटौंडा : सहिद स्मृति राष्ट्रिय फुटबल प्रतियोगिताको उद्घाटन खेलमा आयोजक मकवानपुर-११ विजयी भएको छ।
हेटौंडा-१० स्थित वन विज्ञान मैदानमा भएको खेलमा मच्छिन्द्र क्लबलाई २-१ गोलले पराजित गर्दै मकवानपुरले विजयी सुरुवात गरेको हो।
मच्छिन्द्रले सुरुवाती अग्रता लिए पनि पराजय बेहोर्न बाध्य भयो। मच्छिन्द्रले खेलको १६औं मिनेटमा डम्बिया महोम्वतको गोलमा १-० को अग्रता लिएको थियो।
खेलको ३०औं मिनेटमा मकवानपुरका अफ्रिकी खेलाडी काजिमले गोल गर्दै खेल १-१ को बराबरीमा ल्याएका थिए।
खेलको ६३औं मिनेटमा काजिमले नै गोल गर्दै घरेलु टोलीलाई जित दिलाए। खेलको म्यान अफ दी म्याच दुई गोल गरेका काजिम भए। शुक्रबार हिमालय शेर्पा र एपीएफ क्लबबीच प्रतिस्पर्धा हुने आयोजकले जनाएको छ।
प्रतियोगितामा दश टोलीको सहभागिता रहेको छ। प्रतियोगिताका विजेताले आठ लाख र उपविजेता टोलीले चारलाख रुपैयाँ प्राप्त गर्ने छन्। सर्वोत्कृष्ट खेलाडीले ७५ हजार र विधागत रुपमा उत्कृष्ट हुने खेलाडी तथा प्रशिक्षकले जनही २०÷२० हजार रुपैयाँको प्राप्त गर्ने छन्।
प्रतियोगिताको उद्घाटन गर्दै प्रदेश ३ का मुख्यमन्त्री डोरमणि पौडेलले दुई वर्षभित्र प्रत्येक गाउँपालिकामा मध्यमस्तरको खेल मैदान निर्माण गरिने बताए। हालसम्म ३८ वटा गाउँपालिकामा रंगशाला निर्माण भइसकेको पौडेलले जानकारी दिए।
प्रतिक्रिया दिनुहोस !
