काठमाडौं : गहना बनाएर सुन तस्करी गर्ने भारतीय समूहका चारजना त्रिभुवन अन्तराष्ट्रिय विमानस्थलबाट पक्राउ परेका छन्। बिहीबार दिउँसो प्रहरीले ६ किलो सुनका गरगहना लगाएर नेपाल छिरेका चार भारतीयलाई पक्राउ गरेको हो। लुकाएर ल्याएको सुनबारे सूचना आएपछि सादा पोशाकका प्रहरीले निगरानी बढाएका थिए ।
त्रिभुवन अन्तराष्ट्रिय विमानस्थलका एसएसपी सन्दीप भण्डारीले एक पुरुष र तीन महिलासहित चार जनाबाट पाँच किलो चार सय ९७ दशमलव ६ सय ५० ग्राम सुन बरामद भएको जानकारी दिए।
पक्राउ पर्नेमा भारतका जतिन जैन, सुनिता जैन, बबिता र सरिता जर्क छन्। उनीहरु थाई एयरवेजबाट बैंकक हुँदै सुन लिएर काठमाडौं उत्रिएका थिए।
पक्राउ परेका चारै जनालाई भन्सार कार्यालय बुझाइएको छ। प्रहरीले बरामद गर्दा जतिनले हात र घाँटीमा गहना लगाएका थिए भने तीन महिलाले घाँटी र खुट्टामा गहना बनाएर ल्याएका थिए।
प्रतिक्रिया दिनुहोस !
