काठमाडौं : गीतकार आनन्द राज खनालको पहिलो गीतिसंग्रह ‘तिम्रो साथ’ सार्वजनिक भएको छ। शनिबार नेपाल टेलिभिजनको झंकार ‘लाइभ शो’मार्फत् खनालका पाँच गीत समेटिएको गीतिसंग्रह सार्वजनिक भएको हो।
गीतिसंग्रहको निवार्चन आयोगका प्रमुख निर्वाचन आयुक्त दिनेशकुमार थपलिया र गीतकार प्रा. डा. कृष्णहरि बरालले विमोचन गरे। कार्यक्रममा वरिष्ठ संगीतकार तथा रोयल्टी संकलन समाज नेपालका अध्यक्ष महेश खड्कासँगै गीतका स्रष्टा संगीता राना प्रधान, सरिता मिश्र, आशिष अविरल, भरत सिटौला र बानिका प्रधानलगाय सहभागी थिए।
खनालको गीतिसंग्रहमा तिमीलाई मन पराएँ, बोल्न मन लाग्दो रैछ, सम्झनामा नआऊ तिमी (महिला तथा पुरुष आवाजमा), मनै लोभ्याउने गरी पाँच गीत समावेश गरिएको छ।
कोलम्बो प्लानको छात्रवृत्तिमा इलेक्ट्रोनिक्स एन्ड कम्युनिकेसन इन्जिनियरिङमा स्नातक गरेका खनालले भारत बाटै अप्टिकल कम्युनिकेसनमा स्नातकोत्तर उपाधि हासिल गरेका छन्। उनी कानुन स्नातकका गोल्ड मेडलिस्ट हुन्। गीतकार खनाल नेपाल दूरसंचार प्राधिकरणमा वरिष्ठ निर्देशक हुन्।
प्रतिक्रिया दिनुहोस !
