ताप्लेजुङ : तेस्रो पाथिभरा राष्ट्रिय पुरुष भलिबल प्रतियोगिताको उपाधि नेपाल पुलिसले जितेको छ। बिहीबार सम्पन्न फाइनलमा साविक विजेता पुलिसले त्रिभुवन आर्मीलाई सोझो सेटमा पराजित गर्दै दोस्रो पटक उपाधि जितेको हो।
ताप्लेजुङको मैवाखोला गाउँपालिकाको नारायणी माविको मैदानमा पुलिसले आर्मीमाथि २५-१७,२५-१३,२५-१९ को जीत निकाल्यो। पुलिसले उपाधिसँगै नगद ३ लाख ५१ हजार जितेको छ। उपविजेता आर्मीले १ लाख ७६ हजारमा चित्त बुझाएको छ। वैशाख २२ गते सुरु भएको प्रतियोगितामा ८ टिमको सहभागिता थियो।
प्रतिक्रिया दिनुहोस !
