बुटवल : गर्मी छल्न खोलामा पौडी खेल्न गएका दुईजनाको डुबेर ज्यान गएको छ। शनिबार सैनामैना नगरपालिकाको इगुरिया खोलामा डुबेर आशिष न्यौपाने र काली रहमा डुबेर डोलबहादुर खप्तरी मगरको मृत्यु भएको हो।
शनिबार दिउँसो ४ बजे सैनामैना ९ शंकरपुरस्थित इंगुरिया खोलामा पौडी खेल्ने क्रममा सैनामैना ६ शान्तिटोलका १६ वर्षीय न्यौपानेको ज्यान गएको हो। मामाघर आएका उनी गर्मी छल्न खोलामा पुगेका थिए। मृतक न्यौपाने सैनामैनाको रामापुर माविको कक्षा १० मा अध्ययनरत थिए।
अर्का युवाको खप्तरीको सैनामैना ३ को काली रहमा पौडी खेल्ने क्रममा ज्यान गएको हो। इलाका प्रहरी कार्यालय रन्यौराका प्रहरी निरीक्षक केशव बस्नेतका अनुसार उनी सैनामैना नगरपालिका ८ का स्थानीय हुन्।
प्रतिक्रिया दिनुहोस !
