बैतडी : बैतडीमा जिपबाट खसेर एकजनाको मृत्यु भएको छ। पञ्चेश्वर गाउँपालिका ६ का अन्दाजी ४० वर्षीय राज कोलीको जिपबाट खसेर मृत्यु भएको प्रहरीले जनाएको छ।
गिरेगडाबाट देहीमाण्डौं आइरहेको म १ ज ११९ नम्बर जिपमा सवार कोली खसेर घाइते भएका र उपचारका लागि ल्याउँदै गर्दा बाटोमै मृत्यु भएको जिल्ला प्रहरी कार्यालय बैतडीका प्रहरी नायव उपरीक्षक नेत्रमणि गिरीले जानकारी दिए।
कोलीको बाटोमै मृत्यु भएपछि जिप छोडेर चालक जनक जोशी भागेका थिए। भागेका जोशीलाई प्रहरीले नियन्त्रणमा लिइसकेको प्रहरी नायव उपरीक्षक गिरीले बताए। बिहीबार साँझ ६ बजेतिर भएको घटनाका बारेमा थप बुझ्न प्रहरी टोली घटनास्थल तर्फ गएको उनले बताए।
प्रतिक्रिया दिनुहोस !
