विराटनगर : घरको छतमा राखेको मकै ट्रयाक्टरमा लोड गर्ने क्रममा मोरङको रंगेली नगरपालिका–५ सोमबारेमा करेन्ट लागेर बिहीबार एक जना गम्भीर घाइते भएका छन् । स्थानीय सञ्जय पण्डितको घरको छतमा राखेको मकैको बोरा स १ त १९०६ नम्बरको ट्रयाक्टरमा लोड गर्ने क्रममा करेन्ट लागेर ट्रयाक्टर चालक घाइते भएका हुन् ।
घाइते चालक मोरङको सुनवर्षी नगरपालिका–९ डायनियाका ३५ वर्षीय मुन्ना मण्डल रहेका छन् । छतमाथि रहेको बिजुलको तारलाई हातले छोएका कारण करेन्ट लागेको प्रहरीले जनाएको छ । घाइते विराटनगरको नोवेल शिक्षण अस्पतालमा उपचार भइरहेको छ ।
प्रतिक्रिया दिनुहोस !
