काठमाडौं : अन्नपूर्ण पोस्ट्का वार्षिक ग्राहकले अब एक हजार रुपैयाँ नगद फिर्ता (क्यास ब्याक) पाउने भएका छन्।
अन्नपूर्ण पोस्ट्को नयाँ ग्राहकले सनराइज बैंकको खातामार्फत् रकम फिर्ता पाउनेछन् । अन्नपूर्णको ‘अन्नपूर्ण पकेट मनी अब घरमै बसी’ योजनामा सनराइज बैंकसित सहकार्यसम्बन्धी सम्झौतामा बिहीबार बैंकको मुख्यालय गैरीधारामा हस्ताक्षर भएको छ ।
सम्झौतामा बैंकका निमित्त प्रमुख कार्यकारी अधिकृत (सीईओ) आशा राणा (अधिकारी) र अन्नपूर्ण पोस्ट्का प्रमुख कार्यकारी अधिकृत (सीईओ) मानस घिमिरेले हस्ताक्षर गरेका छन्।
हस्ताक्षर कार्यक्रममा अन्नपूर्णका ब्राण्ड एण्ड स्ट्राटेजी विभाग प्रमुख प्रनील अर्याल, बजार प्रबन्धक भूपाल बस्नेत र सहायक बजार प्रबन्धक दिलीप तामाङलगायत सहभागी थिए।
यसैगरी हस्ताक्षर समारोहमा बैंकका तर्फबाट नायव महाप्रबन्धक (डीजीएम) अपचकुमार यादव, रबिन नेपाल र एजीएम सर्वेन्द्र मिश्रा उपस्थित थिए। अन्नपूर्ण पोस्ट्ले ग्राहक बनाउनेलाई प्रतिग्राहक एक हजार रुपैयाँ पकेट मनी दिँदै आएको छ। 
प्रतिक्रिया दिनुहोस !
