लन्डन : आईसीसी एकदिवसीय विश्वकप क्रिकेटअन्तर्गत बिहीबार राति भएको खेलमा अस्ट्रेलिया विजयी भएको छ । ट्रेन्ट ब्रिजमा भएको खेलमा अस्ट्रेलियाले वेस्ट इन्डिजलाई १५ रनले पराजित ग¥यो । यससँगै अस्ट्रेलियाले जारी विश्वकपमा दोस्रो जित निकालेको छ । यस अघि पहिलो खेलमा अफगानिस्तानलाई पराजित गरेको थियो ।
अस्ट्रेलियाले दिएको २८९ रनको लक्ष्य पछ्याएको वेस्ट इन्डिजले पूरै ५० ओभर खेल्दै नौ विकेट गुमाएर २७३ रन मात्र बनाउन सक्यो । वेस्ट इन्डिजका विकेटकिपर ब्याट्सम्यान साई होमले सर्वाधिक ६८ रन बनाए । यस्तै कप्तान जासन होल्डरले ५१, निकोलस पुरनले ४०, क्रिस गेल र सिम्रन हेटमायरले समान २१, आस्ले नर्सले १९, कार्लोस ब्रेथवेटले १६ तथा आन्द्रे रसेलले १५ रन बनाए ।
अस्ट्रेलियाका मिचेल स्टार्कले पाँच विकेट लिए । यस्तै प्याट कुमिन्सले दुई तथा एडम जाम्पाले एक विकेट हात पारे ।
यसअघि टस हारेर पहिले ब्याटिङ गरेको अस्ट्रेलियाले ४९ ओभरमा अलआउट हुँदै दुई सय ८८ रनको योगफल खडा गरेको थियो । ३८ रनमा चार विकेट गुमाएर दबाबमा परेको अस्ट्रेलियाको पालीलाई स्टेभन स्मिथ, नाथन कल्टर नाइल र विकेटकिपर ब्याट्सम्यान एलेक्स केरीले सम्हालेका थिए ।
प्रारम्भिक ब्याट्सम्यान डेभिड वार्नर तीन, कप्तान आरोन फिन्च ६, उस्मान ख्वाजा १३ र ग्लेन म्याक्सवेल शून्य रनमा आउट भएपछि स्मिथ, कल्टर नाइल र केरीले अस्ट्रेलियन पालीलाई अगाडि बढाएका थिए । कल्टर नाइलले ९२ रन बनाए । आक्रामक ब्याटिङ गरेका उनले ६० बलमा चार छक्का र आठ चौका हिर्काए । यस्तै स्मिथले १०३ बलमा ७३ र केरीले ५५ बलमा ४५ रन बनाए ।
वेस्ट इन्डिजका कार्लोस ब्रेथवेटले तीन विकेट लिए । यसैगरी ओसाने थोमस, सेल्डन कोट्रेल र आन्द्रे रसेलले दुई÷दुई विकेट लिँदा कप्तान जासन होल्डरले एक विकेट हात पारे ।
प्रतिक्रिया दिनुहोस !
