स्थानीय स्रोत र साधनको सदुपयोग नहुँदा व्यापार घाटा

स्याङ्जा : नेपाल राष्ट्र बैंकका गभर्नर चिरञ्जीवी नेपालले स्थानीय स्रोत, साधन र अवसरको सहिसदुपयोग गर्न नसक्दा नेपालले ठूलो व्यापार घाटा खेप्नु परेको बताए। 

स्याङ्जाको वालिङमा शुक्रबार बैंकिङ तथा बीमा एक्स्पोको उद्घाटन गर्दे गभर्नर नेपालले अवसरै अवसर हुँदा पनि हामीले सहि उपयोग र आवश्यकता अनुरुप प्रयोग गर्नबाट चुकेको बताएका हुन्।
 

‘नेपालीको पहिलो प्राथमिकता वैदेशिक रोजगार बनेको छ’, उनले भने, ‘राष्ट्र बैंकले कृषि क्षेत्रमा लगानी गर्न बैंक तथा वित्तीय संस्थालाई निर्देशन दिए पनि युवामा चासो नबढ्नुको कारण वित्तीय जागरण नहुनु हो।’ 

उनले आवश्यकता अनुरुपका कर्जा लिएर व्यवसाय गर्न नसकेको बताए। ‘अब नेपालमै बसेर आलु, प्याज फलाउनुस्, उत्पादन बढाउनुस्। उत्पादनसंग जोडिनुस्’, उनले भने, ‘जापान र अमेरिका यही छ। अन्त कतै जानु पर्नै छैंन।’