पाकिस्तानका पूर्वराष्ट्रपति जरदारी पक्राउ
![पाकिस्तानका पूर्वराष्ट्रपति जरदारी पक्राउ](https://annapurnapost.prixacdn.net/media/albums/jardari-asif-ali_20190610125309_dW8XITtsk3.jpg)
इस्लामाबाद : पाकिस्तानका पूर्व राष्ट्रपति तथा पाकिस्तान पिपल्स पार्टीका सहयाक प्रमुख आसिफ अली जरदारी गिरफ्तारीमा परेका छन् ।
सरकारको भ्रष्टाचार सम्बन्धि मुद्दा हेर्ने निकाय अन्तरगत टोलीले उनलाई सोमबार पक्राउ गरेको हो । सम्पत्ति सुद्धिकरणको मुद्दामा अलीसहित उनकी बहिनी फरायल तालपुरको पुनरावेदन सोमबार सर्वोच्च अदालतले खारेज गरिदिएको हो ।
आमिर फारुक तथा मोहसिन अख्तर कियानीको इजलासले अलीको मुद्दा खारेज गर्दै गिरफ्तारीको आदेश दिएको हो । जरदारी र उनकी बहिनी सम्पत्ति सुद्धिकरण मुद्दामा मुख्य अभियुक्त थिए ।
उनीहरुमाथि अवैध बैंक एकाउन्ट तथा देशबाहिर पैसा पठाउने गरेको आरोप लाग्दैआएको थियो । इस्लामावादस्थित जरदारीलाई पक्राउ गर्न सोमबार ठूलो संख्यामा सुरक्षाकर्मी पुगेको बिबिसीले जनाएको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)