स्याङ्जा : पुलको शिलान्यास गर्न अर्जुनचौपारी गाउँपालिका पुगेका भौतिक पूर्वाधार तथा यातायातमन्त्री रघुवीर महासेठ आफैं दरौ खोलामा फसे । अर्जुनचौपारी–३ स्थित खहरे खोलाको पुल शिलान्यास गरेर फर्कने क्रममा बा २ झ ४०२९ नम्बरको गाडीमा सवार मन्त्री महासेठसहित अन्य खोलामा फसेका थिए ।
बर्षाको समय । खोलाको अन्दाज नगरिकन पार गर्न खोज्दा गाडी खोलमा डुबेको हो खोलामा आधा डुबेको गाडीबाट सुरक्षाकर्मीले मन्त्री महासेठलाई बाहिर निकाली सुरक्षित ठाउँमा लगे । गाडी भन जेसीबीको प्रयोग गरी बाहिर निकालियो ।
यसैगरी, पुलको शिलन्यास गर्दै सोमबार मन्त्री महासेठले निर्वाचनमा गरेका बाचा पूरा गर्न सरकार लागेको भन्दै एजेण्डालाई कसैले रोक्न नसक्ने दाबी गरे ।
अहिलेको बजेटमा देशभरका ८० सडकलाई प्राथमिकतामा राखेको बताउदै उनले स्याङ्जाको सेतीदोभान-घण्टे-पर्वत सडक र वालिङ् -बारिकुना-चापाकोट-रामपुर सडक सडक बजेटमा समेटिएको जानकारी दिए ।
कार्यक्रममा मुख्य सचिव लोकदर्शन रेग्मी, प्रतिनिधि सभा डा.गणेशमान गुरुङ, मन्त्रालयका सचिव देवेन्द्र कार्की, गाउँपालिका अध्यक्ष दीर्घनारायण अर्याललगायतले जिल्लाको दीर्घकालीन विकासका लागि राज्यले लगानी गर्नु पर्नेमा जोड दिए ।
सडक डिभिजन कार्यालय पोखराबाट निर्माण हुन लागेको पुल अर्जुनचौपारी–३ हुँदै आधीखोला गाउँपालिका–१ जोड्नेछ । ३ करोड ७ लाखको लागतमा निर्मित पुल एक वर्ष ६ महिनामा सक्ने शर्तमा जिएसआर निर्माण सेवा पोखराले निर्माणको जिम्मा पाएको छ । पुल २० मिटर लामो, आरसीसी डबल लेन तथा ओपन फाउण्डेसनको हुनेछ ।
प्रतिक्रिया दिनुहोस !
