उदयपुर : उदयपुरको चौदण्डीगढी नगरपालिका–१ छुईलामा सोमबार करेण्ट लागेर एकजनाको मृत्यु भएको छ भने एकजना घाइते भएका छन् ।
घरको कोठामा मोबाइल चार्ज गर्ने क्रममा करेण्ट लाग्दा स्थानीय ३१ वर्षीय गुणराज खड्काको मृत्यु भएको हो । श्रीमानलाई करेन्ट लागेको देखेर तत्काल मेन स्वीच मार्ने क्रममा करेण्ट लाग्दा श्रीमती ३० वर्षीया सम्झना खड्का घाइते भएको जिल्ला प्रहरी कार्यालय उदयपुरका प्रहरी प्रमुख एसपी वीरबहादुर बुढामगरले जानकारी दिए ।
करेण्ट लागेर घाइते भएका दुवैजनालाई उपचारको लागि प्रथामिक स्वास्थ केन्द्र बेल्टार पठाइएकोमा गम्भीर घाइते गुणराजको उपचारको क्रममा दिउँसो स्वास्थ्य केन्द्रमा नै मृत्यु भएको हो । सम्झनालाई थप उपचारको लागि विराटनगरस्थित नोबेल अस्पताल पठाइएको जिल्ला प्रहरी कार्यालय उदयपुरले जनाएको छ ।
प्रतिक्रिया दिनुहोस !
