साउथह्याम्पटन : बंगलादेशले आईसीसी एकदिवसीय विश्वकप क्रिकेटमा तेस्रो जित हात पारेको छ । साउथह्याम्पटनस्थित रोज बल रंगशालामा सोमबार भएको खेलमा बंगलादेशले अफगाािस्तानलाई ६२ रनले हरायो । जारी विश्वकपमा बंगलादेशको तेस्रो जित हो । यसजिसँगै सात खेलबाट सात अंक बनाएको बंगलादेशले पाँचौं स्थानमा उक्लिएको छ । सातवटै खेलमा हार खेपेको अफगानिस्तान तालिकाको अन्तिममा छ । अंकबिहीन अफगानिस्तान विश्वकपबाट बाहिरी सकेको छ ।
टस हारी पहिले ब्याटिङको निम्तो पाएको बंगलादेशले निर्धारित ओभरमा सात विकेट गुमाएर २६२ रन बनाएको थियो । बंगलादेशका लागि दुई खेलाडीले अर्धशतकीय पाली खेलेका थिए । चौथो नम्बरमा क्रिज समाल्न आएका विकेटकिपर ब्याट्सम्यान मुसफिकर रहिमले टोलीका ८३ रनको योगदान गरे ।
मुसफिकर रहिमले केवल ८७ बलको सामना गरी एक छक्का र चार चौका पनि हिर्काए । ३२ वर्षीय अनुभवी खेलाडी मुसफिकर रहिमले एकदिवसीय क्रिकेटमा बनाएको यो ३५औं अर्धशतक हो । अर्का अनुभवी खेलाडी सकिब अल हसनले पनि टोलीको खातामा ५१ रन थपे । उनले ६९ बलको सामना गरी एक चौका हिर्काए । ३२ वर्षीय बायाँहाते ब्याट्सम्यान सकिबले एकदिवसीय क्रिकेटमा बनाएको यो ४५औं अर्धशतक हो ।
बंगलादेशका लागि ओपनर ब्याट्सम्यानद्वय लिटन दास र तामिम इक्बालले २३ रनको मात्र साझेदारी गर्न सके । टोलीको कुल स्कोर केवल २३ रन रहँदा लिटन दास (१६ रन) पहिलो विकेटका रूपमा पेभेलियन फर्किए । त्यसपछि तामिम इक्बाल र सकिब अल हसनले टोलीको स्कोरलाई ८२ रनको स्थितिमा पु¥याए । दोस्रो विकेटका रूपमा तामिक इक्बाल ३६ रनमा पेभेलियन फर्किए । उनले ५३ बलको सामना गरी चार चौका प्रहार गरे ।
त्यसपछि सकिब अल हसन र मुसफिकर रहिमले टोलीको स्कोरलाई एक सय ४३ रनसम्म डो¥याएका थिए । सौम्य सरकार तीन रनको व्यक्तिगत स्कोरमै आउट भए भने महमुदुल्लाहले टोलीको खातामा २७ रन थपे । उनले ३८ बलको सामना गरी दुई चौका पनि प्रहार गरे । मोसद्क होसैनले पनि टोलीका लागि ३५ रन बटुले । उनले केवल २४ बलको सामना गरी चार चौका हिर्काए । मोहम्मद सैफुद्दिन दुई रनमा अविजित रहे । विश्वकपमा केवल दोस्रो पटक सहभागिता जनाइरहेको अफगानिस्तानका बलर मजिब उर रहमानले तीन विकेट लिए । १० ओभर बलिङ गरेका उनले ३९ रनमात्र खर्चिए । कप्तान गुलबदिन नाइबले पनि दुई विकेट हात पारे । यसैगरी दवलत जद्रान र मोहम्मद नाबीले पनि एक÷एक विकेट हात पारे ।
यसैगरी २६३ रनको विजय लक्ष्य पछ्याएको अफगानिस्तान ४७ ओभरमा सबै विकेट गुमाएर २०० रनमा समेटिएको थियो । अफगानिस्तानका लागि समिउल्लाह सिनवारीले सर्वाधिक ४९ रन बनाए । अन्तिमसम्म टिकेका समिउल्लाहले ५१ बलमा एक छक्का र तीन चौकाको सहयोगमा उक्त रन बनाएका थिए । गुलबदिन नइबले ४७ रन बनाए । ७५ बलको सामना गरेका उनले तीन चौका हानेका थिए । रहमत शाहले २४ रन बनाए । नाजिबुल्लाह जार्दनले २३, अस्घर अफ्गानले २०, हसमुल्लाह सहिदी र इक्राम अलिखिलले समान ११÷११, रसिद खान दुई रनमा पेभेलियन फर्किए । अन्य तीनजना ब्याट्सम्यान शुन्य रनमा आउट भएका थिए । बंगलादेशका लागि सकिब अल हसनले पाँच विकेट लिए । मुस्ताफिजुर रहमानले दुई तथा मोसद्क होसैन र मोहम्मद सैफुद्दिनले एक÷एक विकेट लिए । सकिब अल हसन प्लेयर अफ दी म्याच घोषित भए
प्रतिक्रिया दिनुहोस !
