विराटनगर : मोरङको पथरी शनिश्चरे नगरपालिका–९ स्थित भित्री सडक खण्डमा अटोको ठक्करबाट एक साइकलयात्रीको मृत्यु भएको छ ।
बिहीबार दिउँसो दक्षिणबाट उतरतर्फ जाँदै गरेको को २ ह ३६८५ नम्बरको अटोले विपरीत दिशातर्फ गइरहेको साइकललाई ठक्कर दिँदा साइकलमा सवार कानेपोखरी गाउँपालिका–६ का ६५ वर्षीय कविचन्द्र बुढाथोकीको मृत्यु भएको इलाका प्रहरी कार्यालय पथरीले जनाएको छ ।
ठक्करबाट घाइते बुढाथोकीको नोबेल अस्पताल विराटनगरमा उपचारको क्रममा मृत्यु भएको प्रहरीले जनाएको छ । ठक्कर दिने अटो र चालक प्रहरीको नियन्त्रणमा छन् ।
प्रतिक्रिया दिनुहोस !
१
