मुढा पल्टाउँदा किशोरीको मृत्यु, मुढा पल्टाउने चारजना प्रहरी नियन्त्रणमा
असार १८, २०७६ बुधबार १९:३२:०
बागलुङ : बागलुङको बडीगाड गाउँपालिका–६ चिच्चौरमा काठको मुढा पल्टाउने क्रममा एक किशोरीको ज्यान गएको छ ।
जगंलमा काठ काटेर भीरबाट मुढा पल्टाउने क्रममा मुढाले लागेर १७ वर्षीया सुमना थापाको घटनास्थलमै मृत्यु भएको हो । खरबारीमा बाख्रा चराउन गएको अवस्थामा मुढाले लागेर किशोरीको घटनास्थलमै मृत्यु भएको इलाका प्रहरी कार्यलय बुर्तिबाङका प्रमुख प्रहरी निरीक्षक ओमप्रकाश यादवले जानकारी दिए ।
मृतक थापाको शव बुर्तिवाङ प्राथमिक स्वास्थ्य केन्द्रमा पोस्टमार्टम गरी परिवारलाई बुझाइएको र पोस्टमार्टम रिपोर्ट आएपछि थप अनुसन्धान गरिने यादवले बताए ।
मुढा पल्टाउने कार्यमा संलग्न रहेका बडीगाड–६ का २८ वर्षीय मोहलाल पुन, २१ वर्षीय सुमन केसी, बडीगाड ७ का ३२ वर्षीय तिलक गुरुङ र बडीगाड–९ का २६ वर्षीय नरबहादुर माकिमलाई प्रहरीले नियन्त्रणमा लिएको छ । उनीहरु सबैलाई थप अनुसन्धानको लागि जिल्ला सदरमुकाम बागलुङ पठाइएको छ ।
प्रतिक्रिया दिनुहोस !
