ओखलढुंगा : खोटाङमा पहिरोले घर पुरिँदा एकै परिवारका तीन जना बेपत्ता भएका छन्। खोटेहाङ गाउँपालिका वडा नं. २ का विष्णु राईको घर पुरिँदा विष्णुकी पत्नी रेखा राई र दुई नाबालक छोरा हराएका हुन्।
पहिरोले पुरिएर एकै परिवारका तीन जना बेपत्ता भएको प्रहरीले जनाएको छ। जिल्ला प्रहरी कार्यालय खोटाङका अनुसार पहिरो आएपछि भागेर ज्यान बचाएका विष्णुको हातमा चोट लागेको छ। हराइरहेका तीन जनाको खोजी भइरहेको छ।
प्रतिक्रिया दिनुहोस !
