‘एकलव्य’ फिल्म शुक्रबारबाट देशभरका ६२ ओटा सिनेमा हलबाट एकसाथ रिलिज हुने भएको छ। फिल्मका निर्माता आफैं रहेका अभिनेता सोनाम थापामगरका अनुसार फिल्मले सिंगलसँगै केही मल्टिप्लेक्स हलमा पनि स्थान पाएको छ।
एकलव्यको ट्रेलरमा गुन्डागर्दी, अपहरण, हत्या, भ्रष्टाचारजस्ता विविध विषयलाई प्रस्तुत गरिएको छ। अनमोल शर्माले निर्देशन गरेका ‘एकलव्य’ एक्सन प्रधान सिनेमा हो। दर्जनभन्दा बढी सिनेमामा मुख्य सहायक निर्देशक भएर अनुभव बटुलेका शर्माको यो डेब्यु निर्देशन हो।
उनले आफ्नो डेब्यु निर्देशनको फिल्मबाट धेरै आशावादी रहेको बताए। यसमा सोनम थापामगर, पुष्कर राउत, ओसिन भट्टराई, महिला सिलवाल, सुशील पोखरेल, सुष्मा कार्की, राजेन्द्र दुलाल, विराग लोगुनसहितको अभिनय छ।
एकलव्यमा कृष्ण श्रेष्ठको छायांकन, अर्जुन जीसीको सम्पादन, कविराज गहतराज र रामजी लामिछोनेको कोरियोग्राफी, राजेन्द्र बजगाईंको गीत÷संगीत, भोजराज देवकोटाको पटकथा संवाद रहेको छ। यसका अन्य निर्मातामा राजेन्द्र दुलाल र अभि थापामगर छन्।
प्रतिक्रिया दिनुहोस !
