काठमाडौं : सिंगापुरमा जारी आईसीसी टी–ट्वेन्टी विश्वकप छनोट एसिया अन्तर्गतको खेलमा नेपाल अहिले कुवेतसँग प्रतिस्पर्धा गरिरहेको छ । नेपालले टस जितेर बलिङ रोजेको छ । कुवेतले नेपालविरुद्ध ब्याटिङ गरिरहेको छ ।
नेपालका लेग स्पीनर सन्दीप लामिछानेले कुवेतविरुद्ध उत्कृष्ट बलिङ गरेका छन् । उनले कुवेतको ३ विकेट लिन सफल भए । ९ औं ओभरमा २ विकेट लिएका सन्दीपले १५ ओं ओभरमा तेस्रो विकेट लिएका छन् । ४ ओभरमा सन्दीपले २१ रन दिएर ३ विकेट लिए ।
१७ ओभरमा कुवेतको स्कोर १०६ रन छ । नेपालका लागि सन्दीपबाहेक वसन्त रेग्मीले २ करण केसी र अभिनाश बोहराले १–१ विकेट लिएका छन् ।
नेपाललाई यस प्रतियोगितामा शीर्ष स्थानमा रहँदै टीट्वेन्टी विश्वकपको ग्लोबल क्वालिफायर छनोट हुन कुवेतमाथि जित्नै पर्ने दबाब छ । पहिलो खेलमा कतारसँग ४ किवेटले पराजित भएको नेपालले दोस्रो खेलमा मलेसियालाई ७ विकेट हराएको थियो । अन्तिम खेल नेपालले भोली सिंगापुर विरुदद्ध खेल्नेछ।
प्रतिक्रिया दिनुहोस !
