काठमाडौं : सिंगापुरमा जारी आईसीसी टी–ट्वेन्टी विश्वकप छनोट एसिया अन्तर्गतको खेलमा नेपाल अहिले सिंगापुरको सामना गरिरहेको छ। सिंगापुरले नेपाललाई जितका लागि १९२ रनको लक्ष्य दिएको छ। सिंगापुरले टस जितेर पहिले ब्याटिङ रोजेपछि नेपालले सिंगापुरविरुद्ध बलिङ गरेको थियो। सिंगापुरले २० ओभरमा ६ विकेटको क्षतिमा १९१ रन जोड्यो।
सिंगापुरले दिएको १९२ रनको लक्ष्य पछ्याएको नेपाल हारको नजिक पुगेको छ । नेपालले ६ विकेट गुमाइसको छ । नेपालका ब्याट्सम्यानहरु क्रिजमा आउने र पेभिलियन फर्कने क्रम जारी छ । पारस खड्का १२ रन बनाए आउट भए । ज्ञानेन्द्र मल्लले २१ बलमा ३९ रन बनाउन सके । शरद भेषवाकर ७ रोकितकुमार पौडेल ५ विनोद भण्डारी ९ रन बनाएर आउट हुँदा करण केसी शुन्य रनमै पेभिलियन फर्किए । १२ ओभरमा नेपालको स्कोर ९१ रन छ । दीप्रेन्द्र ऐरी र सोमपाल कामी ब्याटिङमा छन् ।
प्रतिक्रिया दिनुहोस !
